اخبار استقلال

طنز اجتماعی

 

یائتونه؟

 

( نقد و نسیه وره مدرسه رفتن  اول مهر)

 

“”فایل صوتی“” فرهاد داودوندی

 

با گویش بروجردی

 

کلیک کنید

 

http://cld.persiangig.com/download/SZiUId/dl

فرهاد داودوندی- ووریرد:

اونایی که عمری ازشو گذشته وقتی ا گذشته براشو تعریف موکونی آهی ا ته دل مکشن
و موئن ااااااااای یائش وخیر، ایجور افراد معتقدن حرفای قئیمیانه باید با اُو طلا
نوشت و زا ته قاب و ده اطاق غنجینه دونگلوسش کرد قی دیوار  

او قئیم مثه ایسه نوی، هر وقت اسم خرید وره بچه محصلا وره رفتن و مدرسه ته اول
مهر مفتا، بوئه ننا و بخصوص اونا که وضع مالیشو زیاد دل و دوروس نوی،  تکو شکو مفتا و جونشو که ا هر سولاخ سمه ای بیه
وره بچاشو لباس و دفتر و دستک جور کنن، نمشد وا لباس شر و در  بچنه اول مهر بورن مدرسه،

او زمانم مثه ایسه ، ننا بیشتر ته فکر بین که و سر و وضع بچاشو برسن، بوئا
وقتی اسم خرج وره بچاشو مفتا ته میو، قُت و نرام مکردن و دنگ و دال را مناختن که
بابا جو ای اول مهرم یه روزیه مثه روزای دیگر خدا!

اوسه وره ایکه یه جورایی ا ایکه پول نئشتن وره بچاشو خرج کننه و یه جورایی وره
وضع خراب مالیشو سرپوش بلن روش، موگفتن: ای بچه الان ریقوله یه، اصلن سر و
پتوکش  قد بال پخچه ایه، الان ایر ورش لباس
بچونه بسونیم صوا یس صوا که قد بکشه  وش
کوچوک مشه، بل یه دفعه شو عید ورش لباس مسونیم.

اما ا اونچه که ننه بوئه اگر سر گُسنه و زمی بله، نمله بچش کم و کسری داشته
وا، ته ایجور وقتا مفتا یائشو که یه جورایی ا بازار نقد و نسیه وره بچاشو لباس و
دفتر دستک بسونن.

ته ایجور وقتا  ننه بوئا  مرفتن ور بعضی دکودارا  که ته طول سال وا مردم نقد و نسیه کار مکردن،
وا هر چنگ و رنگی بی وره او دکو دار زوو مناخت کار تا بتونن وا نقد و نسیه وره
بچاشو چیا اول مهره بسونن، اولش وا نرم و نولوک حرف زیه، ایر نمشد وا نک و نال
کرده، سعی مکردن حرفشونه وره نقد و نسیه اسونه و کرسی بنیشونن.

بعضی وقتائم که حرفشو وره نسیه اسونه ته دل او دکو دار اثر نمکرد، یه کمی
ورتیلی ورتو مکردن تا  بتونن وره یه برو یه
شر بچه که ته خونه منتظر بین ننه بوئشو وا دس پر وریردن خونه، لوازم اول مهر
بسونن.

البته همیشه ام ته ایجور موقا دکودارا مین بازار دلشو و رحم میاما و نمشتن او
بوئه ننا دس خالی ا دکونشو درآن در،

اونا که عمری ازشو رفته مینن که هر وقت خونوادایی که وضع مالی شو خو نوی، متونسن
وا نقد و نسیه وا دس پر  وریردن خونه بچا
که او زمان سال و سال رنگ لباس نونه و چش مئیدن، ا زور خوشحالی شیریقه ای مکشینو
دنگلوس ننه شو مشوئن تا لواسا نوشونه زوتر بپوشن، و خاطر ایکه ننه بوآ نسیه لباس
آماده وره بچاشو  اسونه بین، خیلی ا لباسا،
ته ور بچا بیچاره فقیرا، هل ملوچ بی، یال و یخشو وریشته بی، اصلن اکثر لباسا ته ور
بچا غناس بی،

او زمانا مثه ایسه نوی که ننه بوآ هر هفته وره بچاشو لواس نو بخرن، لواس اول
مهر، باید یه سال ته ور بچه دوام میاورد، 
وای و حال بچئی که روزا اول وا شین مدرسا و خاطر ورجلی ورجو کردن مخوردن
زمین و سر زانوشو مدرس،  ننه بوآ چونو وا
لقر و سوقلوچ  مزائنشو که هات روتشو مکردن
که بچه ورپنمسه مشد

خو ننه بوآئم حق داشتن، وره ایکه  وا
نخورمی و وا قرض و قوله و نقد و نسیه ا بازار وره بچاشو لواس اول مهر اسونه بین،
هنی قرضشه ندیه بین،

به هر حال ایر قئیمیایی که الان دارن ای برنامه یادتوننه مشنوئن یائشو با، او
زمانا خونوادا  وا نقد و نسیه وا بازاریایی
که ته ایجور وقتا کمک حال مردم بین، نمشتن بچاشو وا لباس درسه مرسه بره مدرسه، همه
بچا اول مهر وا نقد و نسیه اوردن ا بازار توسط خوناداشو نو نوآر مشوئن.